يكفي

هاتي ملامح مامضى من تعبهم
للحزن / وعيون ٍ بكت من بكاهم

مروا على بال القصيد وندبهم
صوت العطش يروي صداه : بظماهم

هم حسوا بغربة شعوركتبهم
والا بقوا في جهلهم مثل ماهم !!

والله لو اللي خسرته كسبهم
لاقول ياللي ماخسرته : فداهم

للخوف من ذكرى غياب حجبهم
عن حلم عاشق في حضوره لقاهم

من وين ماتسري ليالي عتبهم
تلقى حنيني نجمة ٍ في سماهم

لا الصمت يكفي من صبر واحتسبهم
ولا السهاد اللي نزفني كفاهم

مثل العذاب اللي لصدري عقبهم
واستعذب جروحي وبيّح خفاهم

هاتي ملامح مابقى من تعبهم
من قبل مايغرق عيوني : بكاهم