نور الصباح .. إنباج ياليل الهموم
أما الشقا .. والا السعد في مقدمه
نقوم له حسب العوايد والسلوم
وان ما كسبنا مغنمه .. مانعدمه
أيامنا بحسابنا .. يوم ٍ ويوم
والوقت يدركنا .. ولو نستخدمه
المال دوله .. والرفاقه ماتدوم
واللي بنيت اليوم .. بكره تهدمه
خلك على الشدات رجال ٍ عزوم
وان ماخدمك الحظ .. لازم تخدمه
وان مالت الدنيا .. وفاجوك الخصوم
سيل النحا ماتردعه .. لو تردمه
وان هزت لك مبدا من طوال الرجوم
ان مارقيته .. فانتبه لاتصدمه
واعرف ليا زليت .. منته بمعصوم
مافيه احد فالناس .. مازل قدمه
أشين من التقصيرفي وقت اللزوم
تقديم عذر ٍ .. مايسر مقدمه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.