جعل المزون اللي يتقطع طفلها
تمطر على رضوان ويسيل واديه
الديره اللي عزها فعل اهلها
في وقتنا الحاضر وفي كل ماضيه
ما واحد(ن) غيري تجرّا نزلها
كم عايل (ن) عنها فشقنا معديه
اصمل معي يا خاطري ثم قلها
الله يا كم هجمة (ن) نوخة فيه
والله ما بدل ديار ٍٍ بدلها
ضلع ٍ حضني واحضنتني روابيه
ديرة بني عمي ومرتع جملها
الديره اللي كل ذيب تعشيه
احبها واحب حتى هملها
هاذي منازل راسي وذي مرابيه
لا ابطيت عنها ما زمالي عبلها
تقول قلبي بين الاضلاع كاويه
ويا زينها يوم انبسط لي سهلها
يضحكلي من العز وتضحك ضواحيه
وهاذي مشاعر حب قلبي نقلها
وكم واحدٍ يحب داره ويغليه
وكل الديار يعزها فعل اهلها
والهرج في رضوان لو زاد موحيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.