يا صاحبي مالك مع الصد مصلوح - محمد السمي

يا صاحبي مالك مع الصد مصلوح
عود عليه لو نصه مجامل

باب الغلا مازال مفتوح مفتوح
وتعاملك ما هوب والله تعامل

مجروح من حبك وما زلت مجروح
هاذي سنه وانا عيوني تهامل

اقنب قنيب الذيب والدمعه تفوح
غديت كني مثل ذيب المهامل

ليتك تذكر يوم اشخمط على اللوح
اقول احبك حب صادق وصامل

ما غير اهوجس فيك وللحال ساموح
حبك عليه صار تأمين شامل

عود عليه وش تبي يا هوى الروح
هذا خطاب الشوق وارجوك وآمل

وان طعتني مالك مع الصد مصلوح
عود عليه لو كله مجامل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر