ياصاحبي نتعب على غير مصلوح - نياف بن نمّاس السميري

ياصاحبي نتعب على غير مصلوح
ومن لاصدق بالوعد ربي حسيبه

أجي وأروح وكن جسمي بلا روح
واحترت مابين الرضا والغصيبه

وان قلت صدقني معذب ومجروح
جرحٍ عميق ولا يداوى صويبه

ومن الصدى والصد منته بمسموح
صدى الكلام وصد عينٍ غريبه

والجيد والمجدول والهرج مملوح
ومعذبٍ مافيه شكٍ وريبه

والعين عين اللي دعي له على لوح
متفهق الجنحان عينه رهيبه

يامى سهرت الليل واون وانوح
عليك يازاهي طويل الذويبه

واصبر وكن بداخل العين ذرنوح
واقول مقبلة الليالي تجيبه

لاماك والله تودع الصدر مشروح
ياروح روحي سقم روحي طبيبه

كب التغلي وارخص الروح للروح
قدام يازين الزمان إيغديبه

وبجاه مجري في البحر باخرة نوح
مابينا قطع المواصل غليبه

واليا بغيت اجيك في الدرب ساموح
برقٍ سناه يلوح ماينسريبه

ونختا رعن يومٍ مثل يوم طبوح
ورى طلوع سهيل والا مغيبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر