من شاناّ ياترف الاقدام ريضي - نياف بن نمّاس السميري

من شاناّ ياترف الاقدام ريضي
يابو جديلٍ فوق الامتان منقض

وراك ماتنشد عن أسباب غيضي
وأنت السبايب في حروحٍ تنقض

جرحٍ جديد وجرح منكم نجيضي
وإن كان تبغى شرح مني تريض

ودموع عيني من سببكم تفيضي
وانته طبيب العين وانت الممرض

ياصاحبي قلبك علينا غليضي
ماشفت دمع العين في محجره كض

يامى سهرت الليل كني مريضي
والا صويبٍ للرصاص إمتعرض

واللي سلم من حب مثلك حضيضي
من غيركم ماعمر قلب العنا جض

يابو جبينٍ فيه مثل النفيضي
نفيض براق الحيا يوم ينفض

الله حسيبك يالشباب الغضيضي
مكنت جرحك فيّ يالصاحب الغض

ياعود موزٍ في ليال المقيضي
ليا هب نسناس الهوا قام يختض

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر