يا مل قلب ٍ يزوع لشوفة الديره - محمد السمي

يا مل قلب ٍ يزوع لشوفة الديره
الخلق تمرح وحلو النوم ما جاني

مالوم قلبي ليا دقت مزاميره
قلبي يعلمني ويامر وينهاني

طبعي ليا ابطيت والا طالت السيره
يسوقني حب ربعي والعمر فاني

ورضوان قامت تفجج لي مشاويره
وان كان ما رحت بمرح فالبرستاني

ما تلني بالمحبه ديرة ٍ غيره
بالعون لي ديرة ٍ يزبن لها الجاني

اليا فهقت المويه وشفت اناويره
كن الملك راكب ٍ فالموتر اوزاني

يا زين جوه ويا مزين معاصيره
لو قيل ما قيل دار العز يزهاني

والمملكه كلها نوماس واميره
وديار كل القبائل مثل رضواني

ويالله تحفظ وطنا وتَعَمر خيره
وتفكنا من قرادة ريس ايراني

© 2022 - موقع الشعر