يا مل قلب تاق من عقب الافراق
يومي كما المسباق بين المعاليق
من خل اوما به وجدد عذابه
او ماي ركب مبعدات المواسيق
هفايف يوم ان سرو واسرقوهن
سرو يوم الصبح جاله تخافيق
وخلوا نحاهم من على درب ماهن
من خوف يلحقهم رجال الملاحيق
وقفوبهن جلعود مع وقفة العود
واقلوب اهلهن من طلبهن مشافيق
عطوا بهن اللال ذربين الافعال
لعيون بيض كنهن الغرانيق
جرو عليهن من غناهم لهم فن
لين الطموح يطلق الشوق تطليق
مخلد بدا المشراف ويعدل القاف
كنه لبن مشعاف عرب مفاويق
لولا اشقر الفنجال اوسع به البال
في منصب وادلال بيض مدانيق
لغدي حرايق بن نجر الى دن
وان يلتهب قلبي لهيب بتحريق
علمي بتالي الفي في روضة الني
جاني وشفته عقب لامه وتفريق
وش مصخف حالي طوال الليالي
وش مغضب بالي وأنا ليس ماليق
ريقه حليب بكار يرعن الاقفار
عليه بيبان الضماير مغاليق
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.