فيحان بن سلطان الشغار
جعل السحاب اللي على ضلع لبنان
يسوقه الغربي على نجد منّا
أبغاه يسقي ياحمد ذيك الاوطان
اللي بها القلب الشقاوي معنّا
حتى هواها يصير صحي وفنان
وتصير يامهنا على ماتمنا
لو ان مافي نجد راحه للابدان
لكن ديرتنا وفيها سكنّا
دار ورثناها مواريث جد ّان
اللي خذوها غصب من غير منّا
عنها نحو قحطان لديار قحطان
واللي حدر واللي شمال أستكنا
وصرنا بقرارة نجد من غير حقران
للي تخلّوا عن منازلهم ألنّا
لله في تصريف خلقه هذا شان
اللي مرحّلهم وحنّا نزلنا
مدري شقى ولا مبر ّه وصفطان
بالخير ياأدوار ٍ عليهم مضنّا
قدام توحيد الجزيره بالايمان
وكل ٍ على داره ثبت وأرجهنّا
ماأنطق هوى غير بدلايل وبرهان
مصادر التاريخ تشهد لاهلنا
يادار ماوالله نبيعك بالاثمان
لو أن خيراتك علينا تمنّا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين