قصيدة الشاعر عبدالله العطني الحربي
فيحان ناديتك عقب جرهد الليل

قلبي تصاريف الليالي كونّه
ناديت يالشغار يوم أبدع القيل

امواج قلبي هيجنن وأغرقنه
لاعاش رجل ٍ يرخي الراس للميل

الذل نار وعزة النفس جنّه
هات الحطب واترك لي البن والهيل

ليلي سرى والنجر تطرب لدنّه
ماد اللزز حفيت به الهجن والخيل

ومن هاب هومات العلا ماأوصلنه
ياطير ياللي من مجانيه ماشيل

وياطير ياللي سبّقه خالفنه
طير ٍ وحش به للشواهق مداهيل

كل الحبايل له ولا جوّدنه
للخال يصبح ثم يمسي مكاحيل

صفق بجنحانه وهن طاوعنّه
نزر ٍ عيوف وهيضه طفحة الكيل

ومن بان راسه لليالي رمنّه
ناديت لك ياللي تحب التعاليل

صاحبك ظن وخيّب الله ظنّه
أبي المكاسب ماطلبها شمهليل

معموس عطشان ٍ بلاهوب كنّه
أعز نفسي والمعزه غرابيل

وادعيك ياللي هومة العز فنّه
حيل ٍ لقاح ولقّحن عودن حيل

ومن عاند الايام كره أغصبنه
فيحان علمهم عن الجدي وسهيل

فيحان علّمهم ترى العلم سنّه
علّمهم ان المقفيات المقابيل

تزيد عقل الرجل ماينقصنّه
رد الشاعر فيحان الشغار

يامن يناديني بزين التماثيل
يوم الليالي عن هواه احرفنه

مثايل ٍ فيها عن الحال تفصيل
ماجابهن لين الضمير احرقنه

شرد ٍ لغيره ماتجي بالمحابيل
احرافهن بايديه من غير اعنّه

تجملن بالصدق من غير تجميل
عبيد عن غيره كتم سرهنه

يامن طفح قلبه من الهم في سيل
ياشاكي ٍ تشكي على من خذنه

سود الليال بركبهنه تهاويل
وألا العمى يرتاح بأطرافهنه

والرجل له من ميز عقله دواليل
ومن طاوع اشوار الرجال اهلكنه

وبعض الحكي يصعب على راعي التيل
مايوصلون اللي غرامه يكنه

الله يقدينا هدف بادع القيل
اللي محضرهن عقب ماأحرجنه

زانت له الجلسه بجنب المعاميل
ويهيّض أفكاره صدى نجرهنه

أحرف حروف الكتب من غير تشكيل
قلبي ملوّعني على كتبهنه

اشرب هماج العز مثل الشهاليل
شربه ولا شربة قراح ٍ بمنّه

العز من طبع الرجال المشاكيل
مسالكه شرواك مايجهلنه

وان كان لك من غيب رايك محاصيل
اقضب لقاح الحيل عن حيلهنه

وخلّوه ترى المقفيات المقابيل
تزيد عقل الرجل ماينقصن


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر