جعل الوجيه اللي مقاديمها عبس - شاكر هذال الدغفلي

جعل الوجيه اللي مقاديمها عبس
اللي علي النمه تسوق البشاير

اللي يدسون الصقطري مع الدبس
ويقدمونه في نحر كل زاير

تاخذ ثمان اسنين في داخل الحبس
والتاسعه بين الجرد والحفاير

في صحصح قاعه بعد ماروا يبس
مافيه غير البوم وام الكباير

املجمينً بالمسامير والجبس
وفي عيونهم دم ومضيضه وعاير

هذا جزء اللي ينقل الحكي واللبس
اللي علي ربعه يجر الجراير

رد الشاعر نجم
الله ياقافً قريته على ابس

من قوته يدخل جميع الضماير
عليه من شاكر ليا وصفو قبس

يختار قيفانه صعيبه عساير
اللابة اللي فاللقا خيلهم هبس

اهل الكرم مايحسبون الخساير
ردي عليه

اللي لبس للطيب والمرجله لبس
حرً ولد حرً قصيده حراير

من لابةً تقدم وتثني وتربس
سمو(القروف)منزحين النشاير

مازيد قالو للفخر والسعد بس
الا يزيدونه سرور وسفاير

رجالهم يدبس فلول الوغاء دبس
فوق الرمك ولا علي الهجن غاير

لا ذياب ابن غانم ولا عنتر العبس
في ذمتي ماقلت غير السراير

© 2024 - موقع الشعر