يقول بندر السهلي
خلاص شوفي مصيرك لا تحريني
وانا مصيري مع المجهول ببدابة
نفسي عزيزة وعز النفس حاديني
اعز نفسي عن الحقران واسبابة
حان المفارق لا عاد اليوم ترجيني
حب مضي يا حبيبي بطوي اكتابة
شفت الجفا في عيونك يا بعد عيني
تبغا الموادع تراي اليوم طلابة
نسيت يومك بعهد الحب توصيني
تقول حبي ترا الاخلاص هو بابة
وش عاد لو كان دمع العين يشقيني
لابد من يوم انسي الحب واتعابة
تكفا يا شاكر ترا الهاجوس موذيني
والهم قدام عيني شالع نابة
رد شاكر الدغفلي
لا هنت يلي جديد القاف مهديني
مهديني القاف مضمونة ومحرابة
قابل هديتك قابلها علي عيني
محد يرد الهدية لا اطرقت بابة
ان كان تشكي الهوا ليتك تشكيني
انا غريق الهوا وادية واشعابة
ترا الهوا دين في قلوب المحبيني
ما ظاع دين وبقي للدين طلابة
الموت لة رمح ولا الحب رمحيني
رمح التلاقي ورمح امفارق احبابة
اصبر لابد الفرج ياتيك في حيني
ياتيك يابو محمد يشعب اركابة
وانا معك حيث ما تبغا توديني
ترا الخوي مثل حد السيف وانصابة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.