لوعتي - عبدالله الحضبي

من لوعتي رقيت روس المشارف
اخفف اهموم (ن) لجت داخل الجوف

اكامد العبرات والدمع ذارف
دمعي خطير انه يؤثر على الشوف

الهم والهوجاس جاله طوارف
فرقا وتفكير وبهاذيل وظروف

أخفف اللوعات والهم جارف
لكن عذاب القلب خافي ومعروف

خافي ومرسوم بشمس المعارف
من يفتح الطلسم ويبعد عن الخوف

قلب العنا من لوعة البعد كارف
وزوّد عنى قلبي غرابيل واصدوف

بينت علمي للثقات العوارف
وش حيلة اللي عن نواياه مكتوف

اشكي على اللي للمقادير عارف
رب (ن) كريم ن عنده السر مكشوف

© 2024 - موقع الشعر