البرق

أنا هاضني برق حراويه عرق سبيع
وسند على رنية وسند على الغافه

وبرق الغريف و جوه الرايع البديع
وحرة سبيع بروقها دوم كشافه

نصوبه تصب الماء وبرق المطر تلميع
ديار الرجال اللي على المجد عرافه

تقافت رعوده وامتلا كل شعب وريع
وزاد البرد في غفوة السيل واهدافه

وسال الشعيب اللي علوه يجي وسيع
له شهور مانبت الحيا حول طرّافه

تنشّر مزونه زادها الوسم والربيع
تنوّع نباته بين قيصومه وسافه

وفرحو به اهل البل واهل جمعة القطيع
ولا عاد جاهم في عنى الوقت وأكلافه

وقامت تحُول الناس يِمَّةْ ديار سبيع
تبي جيرة أهل العز تقدير واضيافه

يعم الرخا والموقف العالي الرفيع
وتسعد ديار جوها زانت اوصافه

عبدالله بن سعد الحضبي السبيعي