عزيز قوم

يابو ظبي عدَّى شهر كنّه البرق
وانا على حطة يَدِكْ عشق واشواق

الله عطاك شيوخ تصنع لك الفرق
واناعطاني قلب مغرم ومشتاق

يالؤلؤة عواصم الغرب والشرق
ياقبلة الصدر النقي. كل ماضاق

جيتك واسابق خطوتي وانشع الطرق
واحظن تفاصيلك بصدري والاحداق

حان الوداع وداخلي يحترق حرق
قبل الحروف تشب في خد الاوراق

ودعتك الله كل ما هيجن الوَرْقْ
وكل ما اشْرقت شمس ولمع كل براق

قولي فمان الله وانا بَنْسِرِقْ سَرْق
عزيز قوم وماقوى لحظة افْراق