سنين العمر

يا سنين العمر .. ماعاد بي طولة صبر
إلا ليتها تجي السلامه .. وعليكِ السلامي

كل يوم وكل ساعة ويجي علم وخبر
لين صار الفعل بالفعل مجرد كلامي

كم جبرنا النفس بالصبر يا دنيا جبر
حتى مع ناس ما تسوى حبي واحترامي

والله إنّه ضاق بالي من الوقت الغبر
والنوايا البيض غطاّها سواد الظلامي

لو سواليف المخاليق .. سوات الحبر
كان حبرك يالقلم يروي كل ضامي

كم خذينا من الليالي تجاريب وعبر
لين ميّزنا الحلال وميّزنا الحرامي

كم وكم يحلف لك الكاذب ودقّاق الإبر
لكن احلوفه بعيني كما احلوف الت ؟؟؟؟

يحلف وهو كاذب إلين يدخل بالقبر
لو هو يصلّي صلاته ويصوم الصيامي

إن كلى له عظمةٍ .. فما على العظمه هبر
وإن رمى له رمية فرميةٍ من غير رامي

بين صيّاد الفهود وبين صيّاد الوبر
فرق مثل الفرق بين الفياقى والنيامي

وبين شيّال السيوف وبين شيّال الطبر
فرق مثل الفرق بين العماير والخيامي

والنقي اللي بعيني أنقى من الزبر
له محبة خاطري وله جلّ اهتمامي

اقترب منّه ذراع .. لو قرَب منّي شبر
واعتبر نفسي حزامه وهو بعيني حزامي

والردى والهون وإيّا المَخَادع والكبر
ماهي في قاموس عمري ولا هي في نظامي