يا لبارق

يالبارق اللي من كذا عام لي يلوح
كنّه يذكّرني بوقت المراحي

لاشكّ أنا مثلي مثل غير بأروح
وكم واحد قبلي يالأيام راحي

وكم في الزمن مبلي ومنصاب ومجروح
وأنا عن العالم أخبّي جِراحي

صبرت لو ما من ورى الصبر مصلوح
لكن ما في إيدي إلا الصبر لي سلاحي

أخاف يظهر خافي الروح وأبوح
ساعة يكون البوح غصب ومباحي

ليلي سرى فيني وأنا أونّ وأنوح
نوح الحمام اللي على الغصن ناحي

حتى ولو أخفيت أنا الدمع مفضوح
على خدودي انهل وبله وطاحي

لا يا وجودي وجد من طاح مذبوح
انهد من ضرب القنا والرماحي

لو ما ورى كثر التوجّاد مربوح
حطيت خدّي فوق كفّي وراحي

راضي وقانع باللي قد كتب في لوح
لو برق حزني تو الأعيان لاحي

شكواي للّي .. عالم بخافي الروح
من ضيقتي في سرحتي والرواحي