يا الله يا والي.. يا عالم حالي
رب كريم وكل الناس يرجونه

ارجيك تنجيني.. وارجح موازيني
عسى العمل طيب لاجوا يحسبونه

وتعز الاسلامي.. عساه يلتامي
وتقيم ساس الشرع وتثبت ركونه

يا زين الامثالي.. توسع البالي
وتسلي القلب يدله دون مضنونه

ان سلم لي هادي.. فالحظ متقادي
والهم لا عاد يا عربان تطرونه

وسعيد لا تمي.. نسيت انا الهمي
كم واحد لا توهم يرمد عيونه

يا راكب حرة.. مرباعها السره
عملية من خيار الجيش مزبونه

تنصى مجيهيري.. ملفا المناعيري
يا نسل شيخ عسى الرديان يفدونه

واثني لسحماني.. يا طير حوراني
ذيب وربعه فهود جات من دونه

حن درعك الظافي لا جالك خلافي
واللي عداكم ترا ربعي يعادونه

ربعي مضيميه.. وترد في الهيه
مثيل يوم ورا "...." يطرونه