حالي حالي

لـ محمد المرشدي، ، في غير مُحدد، آخر تحديث

حالي حالي - محمد المرشدي

ماطحت من عين الغلا يالغالي
صورة غلا في داخلي مرسومه

صوره رسمها هاجسي في بالي
ماغيرتها الساعه المشئومه

أنا على وضعي وحالي حالي
ولا كانت الهقوه لكن محشومه

وش لون تتركني كذا بلحالي
وليلي ورا جفنه يحارب نومه

والهم من ذاك النهار ضلالي
ونتيجة الضيقه ماهي مقسومه

لرتاح صوتي من عنا موالي
جاته تناهيد الشقا مكتومه

من جمر شوقي فاح هيل دلالي
ولاجابلي مركاي غير علومه

قند مشاعر هاجسي فنجالي
ويعيد معه الذاكره ويلومه

وبعدك ليامنه نوى واومالي
جيته وانا حاسب حساب ليومه

وتروح في فالك وانا في فالي
وكلن يبا يقفي على مقسومه

© 2022 - موقع الشعر