الحالي والهمج

تعلمت أنا من الأيّام وعرفت الحالي من الهمْج
وعرفت إنّ الصبر مفتاح لبوابات مصكوكه

وعرفت إن الشي لا من طال وقته يا خلايق سمْج
وعرفت إنا السوالف كثرها كذب ومتروكه

واذا حاولت أبي أوزن وأسوي للمشاكل دمْج
لقيت اللي بوسط النحر بلاني كنّه الشوكه

ونويت الطيب في دنياي وعلى خيل المراجل سرْج
ما دام أبواب فعل الطيب تو العين مفكوكه

وجعلت للعذل والعذّال وراعين السوالف خِرْج
عباد تتقّي وتبين عليها أطباع مشكوكه

وأنا مالي ومال الناس وأنا مالي ومال الهرْج
كلن عقله برأسه .. وهويّاته وسط بوكه

أهل بيشة تحب بيشة .. وأهل ترج تموت بترْج
وتعابيري على غاية مرادي تجيني مسبوكه

خلاص يا جمر الغضا .. ترى أعصابي سوات الثلْج
نويت أعيش أنا دنياي وحبست الهم في شبوكه

من يبني عش في قاعه ومن في الجوّ علّى برْج
ومن حلّق شعر رأسه ومن حط فوقه باروكه

تسير أيام هالدنيا ونعرف الحالي من الهمْج
وبيبان العلوم العوج من هاليوم مصكوكه