سنين العمر

ياحزن الايام خفف من قساك
ماعاد فينا على ظلمك صبر

صدورنا من هذاك ليا هذاك
صارت من الجور تشبه للقبر

سكانها هم والام وغثاك
وضيقه وغربال وهمومٍ غبر

طوت صحايف سعادتنا يداك
من يوم خيل خيالك وانهمر

عساك ياحزن تطلقنا عساك
لوان مال الفرح حولك شبر

على قلوب البشر ويش يحداك
يامنشف الريق ومنشف حبر

حتى الدفاتر لحقها من وذاك
ظلّمت بسطورها سطر سطر

ارحل عن الارض خلك في سماك
يكفيك ماعشت بسنين العمر

عجزت طول الزمان القى دواك
عجزت ونهايتي دمعة قهر

عسى السعاده ليا قفى مساك
تشرق بنورٍ يزيل ابه الكدر