قالوا جماله كثير وقلت .. معقوله !
معقول يوجد مثيله في البني احلى
قالوا حقيقه وقلت الكذب وشهوله
العين فوق الحواجب قيل ما تعلى
بيض الغنادير قامو له وفزو له
ساعه مجيّه جهنم نارها تصلى
لو كان يبغى المحال الصعب جيبوله
اهم حاجه حبيبي دايمً يسلى
وقفو له الغيد قدامه وصفوله
الغالي اللي جماله دايمً اغلى
هو ايه الحسن خضّع له كذا دوله
الايه اللي على روس البني تتلى
الغيد والله لا يمه ولا حوله
فارق بزينه جعل ذالزين مايبلى
طاحت جميع البني غصبً على رجوله
يبغون وسم الزعل عن وجنته يجلى
الله هو اللي بدع في حسنه وزوله
ياليت من زوله المزيون مااخلى
لو مر اشجع شجيعً طاح من طوله
وخربً شروح المدرس حصه الاملاء
هو اوّل الزين محداً يقدر ينوله
غيري من الناس ماهو بالحلا اولى
لو حطو الفلتر الماخوذ وصلو له
لكن بليا فلاتر ما بهم احلى
ولا قال قوله تهاب الغيد من قوله
قوله صحيحً وصادق ما هو بنقلا
من صغر سنه وعينه دوم مكحوله
وتطيح كل البني من عينه الكحلا
والجسم كنه ياربعي غرشه الكوله
لا اقبل بجسمه اردد ارحب واهلا
بالله اخذوا قصيدي له وودوّله
وقولوا حبيبك له سنينً ماهو باشلى
وقولوا حبيبك يهده زينك وهوله
لا شاف زينك يمر بدلوه ويدلى
الشاعر مسعود القحطاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.