وليف الروح لا جاني تشين الغيد من بعده - مسعود القحطاني

وليف الروح لا جاني ،،، تشين الغيد من بعده
تحسد الغيد حبي ،،، له جعلها تموت مقهوره

الى منه قعد جنبي ،،،،، دعيت يطوّل القعده
جعلني ما خلا منه ،،،،،،، هوى قلبي ودكتوره

تقول الناس من قعده ، وليف الروح يا سعده
الا ياسعد ابن راشد ،،،، على ذالزين وحضوره

صحيح انه قعد جنبي ،، ولكن ما نقض وعده
عطاني مطلبي منه ،، عطاني العشق وشعوره

وعطيته شعري الزاخر ،، صغير العمر والقعده
حبيبً عند شيبانه ،،،،،،، رضائي صار دستوره

قعد جنبي يسولفلي ،،،،، وانا يدي على جعده
يسولف لي وانا عيني ،،،،،، تناظر عينه الحوره

صخيف الجسم من ، شافه يقول انه بلا معده
اجل وشلون ،، يصلح لي ،، وهو ما صلّح اُموره

عليه الايه العظمى ،،،، قمر عشرين ذو القعده
خذى من يوسف الصادق ،، جمال يقوّم الثوره

الشاعر مسعود القحطاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر