ياويل حالي منك ياراعي الزين - مسعود القحطاني

ياويل حالي منك ياراعي الزين
انت الجمال اليوسفي والاناقه

اعطاك ربي عينً ما مثلها عين
واعطاك ثغراً جمر محلى مذاقه

وعنقً من الرحمن له طول شبرين
ياحظ من طوّل سنه في عناقه

وجسمً جميل وفيه ميزه وثنتين
مربوع لكن في الطوارف رشاقه

وصدراً يلوح لي من يسار ويمين
روقت إنا في الصدر اخر رواقه

صدراً تشكى منه لبس الفساتين
ما عاد للفستان صبراً وطاقه

ساعه لفى به عاشقي يوم الاثنين
قال الصدر ثوبي مضيّق خناقه

قلت الصدر ملعون ضمن الملاعين
ما هو مكوّن مع ثيابك صداقه

والخصر يندب لي جميع الشياطين
من شاف خصره قال صابه اعاقه

وردايفً ،، منها ،، نعرف القوانين
فيها ولد قحطان زاد اشتياقه

ردايفً تعوي عليها السراحين
ما هي جلاله صدق والا دقاقه

لكنها اكبر من جبال حطين
معاد فيها للمنافس لياقه

رحنا مع الردفين ناسً مجانين
وكل العرب قالوا سنامين ناقه

والحمدلله والشكر يا ميامين
معروف شعري والاسم بالبطاقه

وبيني وبين الجزل هرج وبراهين
وسويت مع جزل القصايد علاقه

وختامها من قلب انهي ببتين
للعاشق المعشوق راع العشاقه

أي والله احبه من اول الى اللحين
راع الحلا والذوق واصل اللباقه

© 2024 - موقع الشعر