سلام ياللي ماخذ الزين كله - مسعود القحطاني

سلام ،، ياللي ،، ماخذ ،، الزين كله
في نظره عيونك حروب العصابات

وجهك اساس ،،،، الزين دقه وجله
وجسمك اساس التفرقه والنهايات

جسمك اليا ، شفته تقل جسم دله
مترامي الاطراف ،،،،، والاتجاهات

سبب لاجسام ،،،،،، النحيفات عله
وقطّع علاقاتً ،،،،،، وجمع علاقات

وسببت لعقول ،،،،، المخاليق خله
من جسمك اللي فيه شهوه ولذات

جسمك رماني ،،، يالحلو فوق مله
ونورك بعيني ،، طاغيً نور مشكات

يا غرو يا دلوع ،،،،،،، لا تقول خله
صدراً تحت ،، ثوبك يثير الغريزات

الثوب تكفى ،، يا اترف الغيد شله
لجل امعن الانظار، في كل الاوقات

يشهد علي الله ،،،،، جسمك مامله
لو تجتمع عندي ، قصور وعمارات

ووجهك سوات ،،، البدر والا الاهله
ونورك يغطي ، نور سبع السموات

الشاعر مسعود القحطاني
© 2024 - موقع الشعر