ياويل حالي يايبه كل مااطريت - فهد السهلي

يابوي ليتك حي يابوي ياليت
ماكان هذا الحال يابوي حالي

ياما تمنيتك وياما تمنيت
ترجع تشوف اللي وطته الليالي

شفت العذاب الوان يابوي واخفيت
اضحك واقول اني مع الوقت سالي

والا الفرح يابوي من يوم قفيت
قفت معك افراح وقتآ مضالي

قفت وانا من بعد الافراح خاويت
احزان وقتي وكل همآ بدالي

وياويل حالي يايبه كل مااطريت
غصبآ علي يابوي لو ضاق بالي

لااطريت زولك كل ماجيت واقفيت
وفي مسمعي صوتك عيالي عيالي

هليت دمعي من على الخد هليت
هليت دمعي يابعد كل غالي

عشرة سنين يايبه ماتهنيت
عشرة سنين ومرقدي ماهنالي

© 2024 - موقع الشعر