إحساس الخيال..
مرت ومر الحزن يمشي معاها
وناظرت نظرة الم بعد الشتات
ذابله...وذبولها...بين....شقاها
وعينها الخجلا معاها ذابلات
وانكسار العمر باين في خطاها
والانين بعينها يشكي السكات
ودها تحكي وتشكي من بلاها
ومن حطام العمر بعد الذكريات
يا مسافات الحزن قربك بغاها
وانتكت منك الجروح الخافيات
وارتميت بحضنها وسرك لقاها
وارتسمت بوجهها وبين الشفاة
ويامساحات الفرح دربك عصاها
وغيبت شمسك بقايا حب فات
وهبت ارياح الجفا و جفت رباها
وانطفى ضي القمر و الظل مات
ويامتاهات .. القدر ..حني..لبكاها
قبل تغرق من بكاها الامنيات
وارمي احزانك بصدر اللي رماها
واجمعي باقي الورق قبل الفوات
واتركيني في خيال اللي زهاها
قلبي وصدري و ضيعت الثبات
الخيال احيان يوردني لماها
والفكر يسرج خيولي العاديات
و نظرتي عيت تجنبني حلاها
والحيا يسري بعروقي النابضات
وطرفها المكحول يقتل..من يراها
ناعس وكحله جرح عذب الصفات
و الشفايف....جمرها...زود....بهاها
ونورها يضوي..خدود(ن) ناعمات
كنها....ورد....وزهر ...زايد....رواها
وزادها...حسن وضيا..جيد..المهاة
وقدها المياس..يشكي..من اساها
وحزنها..طاغي.. وانا ضد..الطغاة