واهنيك بنومك ياخوي الكرا ماتجرعت مثلي من لذيذ الغرام لك عيون تنام و خافق ما درا ولي خفوق عليل وعين صعب تنام واهنيك بنومك بعد ليلي سرا وطار قلبي من ضلوعي وهاجر وحام يرقد المستريح ومادرا وش جرا وراعي الجرح جرحه في صميم العظام شلت جرحي بصدري عن عيون الورا حافظه عن عيون اهل العتب والملام كل طاري غرام في حياتي طرا وكل حب قضيته انتهى والسلام ضاع عمري وجرحي بالحشا مابرا وحالتي مايوصفها كثير الكلام ذكريات السعاده تندفن بالثرا مل عين تنوح ومل قلب يضام ليت الايام لو ترجع بعمري ورا لين تاقف على واحد وعشرين عام
بالصدر تالي فتيل وجروح تسيل واسوار باقي مدينه هدموها تطفي قناديل واولعها قناديل فرحوا بقمراي والصبح اجحدوها ياليل هات سواد الوجه ياليل طعنة نذل سود الله وجه ابوها ان دلبحوا في خفيات المداهيل ارقى مراقيب ما والله رقوها ماهمني صدت اشباه الرجاجيل خوه بمصالح وحاجات وقضوها اطهر ثرى ماتدنس من هل الفيل من ابرهه والجيوش اللي غزوها والا انا يامكثرت الاقاويل يامنقلين العلوم وصدقوها امطر لهم مزن وكفوفي لهم سيل وردوا مكارم عطاي ونثروها وضحكة حجاجي يالاخساس المصاطيل ماضرها فروخ ماقدروها انا مكاني مع شرابة الهيل طوال الشناب واليا كبرت قضوها عزاز بالقوم الافذاذ المشاكيل المحتوين المكارم كل ابوها ياشوق هذي علومي بالتفاصيل بكرا تشوفين لا منه سمعوها الله وكيلك تعبت ولا بقى حيل هقوات كانت ولكن خيبوها
قل المنام وقلة الزاد والشرب ذي الثلاث لشين حالي سبايب بخير لين تميل الشمس للغرب مهوجس ودموع عيني سكايب اشتقت للي ماعلى وصلهم درب وقبورهم ركزت عليها النصايب فاقد محازم عز فالسلم والحرب وببطي وجرح الفقد ماهو بطايب يارب تسكنهم بجنتك يارب وتعين من قلبه من الشوق ذايب
ما والله اجلس مع اهل القيل والنمه اللي مجالسهم هروجن على الفاضي مجالس رخوم على بعض ملتمه فيها تصير القزام طوال وعراضي كلن يزود على الموضوع لا خمه وقلوبهم سود فيها سقم وامراضي ز لايبن بالكلام الشين مهتمه كأن وحدهم موكلين بسبع الاراضي مجلاسي مع الرجال اللي لهم ذمه وبعرفهم عن ردي العرف معتاضي اصحابي اللي على الماجوب ملتمه وعلومهم طرفه وعبره من الماضي والراي ماقد خذيته من شوير امه ماني بخوة ردي المعرفه راضي أنا اشقر الريش ميقاعي على القمه من ماكرن بالعلا في راس مهياضي ماقد مدحت الردي والقرم ما اذمه تردني شيمتي عن بعض الالفاظي وليا بليت بغشيم هرجه مطمه مراعي لخطر الاجواد ومحاضي اتركه يلقى غشيم مثله يضمه يلقى غشيمن على اللجات يهتاضي الرجل يدمح لا جاته من بني عمه وان جاته إمن العدا ماهوب متغاضي له وقفتن تورد الظامي على الجمه لا صار بالسالفه كاذب ونقاضي كم واحد بوقفت اصحابه جلا همه وكم واحدن من ربوعه عاش مغتاضي معذور ياللي من الدنيا برد دمه يبى الدعاوي وحصل خصمه القاضي درب المراجل يبى جهد ويبى همه وانا على ساقته ياطول مركاضي
يابلادي عزك الله يا بلادي في حكم سلمان داهية الدهايا فيصلي حاش من طيب المبادي وعادته ياطا على روس الحيايا مع ولي العهد زيزوم قيادي صامل الوقفات محمود السجايا بالحزم والعزم يردع كل عادي وبلسم جروح المواطن والرعايا جده معزي حماها بالعتادي يوم كان الحرب من فوق المطايا وكمل محمد مسيره واستزادي وثبت المجد التليد بلا وصايا له من الشعب السعودي طيب كادي واصدق شعور المحبه والتحايا والختام وزبدة العلم الوكادي غير علم اهل السوالف والحكايا يا بلدنا لا بدا ضرب الزنادي جاك شعب مايهاب من المنايا
عزي لمن مثلي رمى النوم واخطاه قام ايتقلب واشغلته التفاكير يطرد سراب ن مقفيات ن مطاياه حيلن من الماضي وجل ن معاشير يبراله ن غفل ن ابكار ن امضراه وردن على عوج المحاني مصاطير غبر ن وفيهن من عنا الوقت حلياه يسوقهن هاجوس فكري طوابير حسبي على ذالوقت مشين سواياه يالله بحسن الخاتمه والتدابير يسقي البعيد ويضمي اقرب رعاياه ولا يقتدي بالشور عمس الاشاوير مديت له يمناي مامد يمناه وانا مراكيله دلالي مباهير تمت واضن النوم دلالي ارشاه تصوير حر ن ماتجير على جير
عزي لمن مثلي رمى النوم واخطاه قام ايتقلب واشغلته التفاكير يطرد سراب ن مقفيات ن مطاياه حيلن من الماضي وجل ن معاشير يبراله ن غفل ن ابكار ن امضراه وردن على عوج المحاني مصاطير غبر ن وفيهن من عنا الوقت حلياه يسوقهن هاجوس فكري طوابير حسبي على ذالوقت مشين سواياه يالله بحسن الخاتمه والتدابير يسقي البعيد ويضمي اقرب رعاياه ولا يقتدي بالشور عمس الاشاوير مديت له يمناي مامد يمناه وانا مراكيله دلالي مباهير تمت واضن النوم دلالي ارشاه تصوير حر ن ماتجير على جير
آه لو آه كلمه ماتفيد العليل بس يلجالها لا بذ ّوقته خفاه كيف ترقد عيوني والمحاجر تسيل والسهر للشقاوي من نتايج شقاه في خفوقي جروحن تتسع كل ليل ترجع لكل جرحن مات نبض الحياه كل ما مات جرح يعيش جرحن بديل وكل ما عاش جرح اقول وين النجاه كل ليل اتهمّل والعباير هميل منك ياجرحي اللي كيف أبلقا دواه وآه من جرحي اللي من زمانن طويل عايشن في خفوقي لين جدد عناه كل عمرن مضالي كان حلون جميل ضاع منّي وضاعت ذكرياته وراه والتعب بيّن بوجهي وجسمي هزيل وباقي الصبر فيني واصلن منتهاه وش بقى من حياتي قبل يوم الرحيل ما بقالي قليل اقضي العمر في رجاه كان قلب العليل معالجه مستحيل ضاع عمر العليل وضيّع الله جداه
يابنت معشوقك مهوب أي رجال وريث بيت اهل الكرم والشهامه يابنت معشوقك تحدته الاهوال لين الليالي حدته عن منامه أنام ليله وابتلش خمسة ليال مر الحياه اجرعه لجل الكرامه مبداي من يومي طفل بين الاطفال ممات عز ولا حياة الرخامه لي وقفتن يفرحبها ضايق البال ماني بهلباجن تراعد عظامه أفزع ولا الحق فزعتي بعض الاقوال وكم فزعتن عادت علي بندامه فزعه ولكن جات من حظ الانذال مرتهم الوقفه مرور الغمامه وأنا خويي يبشر بفزعتي حال والمحترم يفرض علي احترامه واللي مصافيني ووقفاته جزال يبشر بوقفت من يفرح مقامه والصاحب اللي عرفه اقفاي واقبال أصد عنه ورافقته السلامه واليا بليت بمعرفة خايب الفال يبشر بفرقا ليا نهار القيامه وإن جات زلت عرف من بعض جهال يسد عن شين الهروج ابتسامه واللي ليا شاف الخطر صابه اجفال لا يسري بليلن شديدن ظلامه شاعر وأقول الصدق في كل الاحوال ويلحقني بقول الحقيقه ملامه والغيب والمستقبل وعلم الآجال أزرت تشوفه عين زرقا اليمامه والناس بالافعال ماهم بالازوال يكشف عن الرجال منطق كلامه ياكم غشيمن يلبس شماغ و عقال يسنعنه لابسات اللثامه درب المراجل فيه لوعه وغربال يقدر عليه اللي قوين حزامه وأنا على درب ا
يا نجمة الصبح امانه لا تخليني باسهر معك لين يشرق صبحنا الثاني واقولك كان لا قلتلك توحيني واعلمك وش سبب حزني وحرماني يانجمة الصبح بعيونك تشوفيني بين علي السهر ومتعب اجفاني سود الليالي بسهرها كحلّت عيني وليا سرا الليل مع مسراه سراني واتلى ليالي تضحكني وتبكيني واللي يضحكني امس اليوم بكاني ياعين كفي .. ومافيني يكفيني ليش البكا .. والبكا ما عالج اشجاني تعبت ادور على شين ينسيني ولا لقيت العوض في اعز خلاني احبها حب متعبني ومشقيني وحبّي لها حب ابوي لعرق جداني كانت ليا كثرت احزاني تسليني وتزعل الناس والدنيا على شاني وكنت استلذ الزعل من شان ترضيني وكانت تحب القصيد وتعشق ألحاني واليوم راحت .. وضاق المجتمع فيني وراح الفرح مع وطنها وغادر اوطاني لي ذكرياتن مضت من ماضي سنيني تنطق بها العين لو ماينطق لساني ما انسى كلامن تقوله لي تحاكيني لو منت خلي حسبتك ثالث اخواني راحت وقفت .. عقب وقفت توصيني واوعدتها بالوصل كان الله احياني يانجمة الصبح مدري وش معنّيني ضاعت حياتي مع اللوعه وحرماني يا نجمة الصبح انا ضايع ودلّيني واخذيني لعالم ٍ ينسيني احزاني
هب الهوا شرقي وذكرني الشرق واشتقت له بالحيل ياساكنينه ابو خدودن كنها ضوحة البرق واوسع من عيون الشياهين عينه اللي سرق عني لذيذ الكرى سرق واقفيت عنه ومنه روحي حزينه من عقب عنه اقفيت ضاقتبي الطرق وضاق الفضا وضاقت علي المدينه حدوه عني واسبل دموعه الزرق يبكي بكا طفلن فقد والدينه وانا من الفرقا غدى بمهجتي حرق وازريت لا اداوي الجروح الدفينه عقب الهنا مجروح وانايح الورق قلبي من الايام بيّح كنينه وكمومي امن الدمع لاحقهن الغرق غرقتهن بالدموع الثمينه حسبي على من حط من بيننا فرق اللي سعى بين الخدين وخدينه غديت قبله مير قلبي بقى شرق ترفقوبه زين يامالكينه
ابو حماد البارحه خاطره شين يلعب به الهاجوس عندي اوسراه سوا به اسواتن وانا شوف بالعين يقفي اويقبل والعشا ما تعشاه ماغير يومي به من يسار ويمين وامنين ماجيته عجزت الحق اقصاه لاشك طبعي والطبع خابره زين اتعب على شرواه ولاحتجته القاه مايختلف رايي ورايه من اسنين ذيبن إلامنه عوا جيت لعواه وابشر انا ضرغام شمر السلاطين واطاَ على ماكان بالرجل يوطاه لا ثار من روس الجبال البراكين اتذوب اللي يعترض خط ممشاه وان كان فيها شك هاك البراهين هذا خطابي واحفظه زين واقراه غيرك امعلم وانت راس العناوين افطرت مافطرنا وهمك شربناه ماجاك جاني امس واليوم والحين بينت سري لك بعد مادفناه انا اوفكري والهواجيس صفين نوبن اتقوده قود واحيان تقفاه حتى اذن المذن وصلى المصلين كلن سجدله يطلب العفو وارضاه
انت ليا من ضقت دقيت الأرقام وتدري ليا من جيتني ما جفيتك أنا بليل الضيق لك درع وحزام وأنت تزيد جراح قلبي فديتك وأنا ليا من ضقت سجيت الأقدام في ليلتن ظلما ومريت بيتك أمر وأطالع وأنا حيل منظام ودي أجي وأقول لك مانسيتك مشاعري صارت عقب هجرك ايتام من كثر ما حطمتها لا بغيتك تثور فيني ثوره احساس واحلام وتموت اذاني جيت لك ما لقيتك من كثر ما تشكي علي جرح والام أنا معك ما فيه يومن شكيتك وش فايدة عشقن غدا كله أوهام وش فايدة شوقن يموت ان نصيتك قلبي عن احساس الهوا والغلا صام خلاص لا ترجع تراني سليتك أنا مثل طيرن نفض ريشه وحام وانت مثل صفحة كتاب وطويتك