فيديو كليب

فيديو كليب

<< >>
فمان الجرح لو انك من جروحي تداويني ممدوح العضيباوي

فمان الله سافر يا عشيري والقلوب قراب فمان الجرح لو انك من جروحي تداويني فمان الله يكفينا من العشره سهر و عتاب فمان الله شف غيري وأنا رجلي تقديني تهربنا من الواقع وعشنا عالمن كذاب أعيشك حلم ويجيني هوا الواقع يصحيني نحب الوصل لكن ماحسبنا للفراق حساب لأن الوضع مايسمح يخليك ويخليني حبيبي واجه الصدمه وخلك فاهم الأسباب ترا مافيه بالدنيا نصيب يجمعك فيني ولكن قبل ما أرحل وتبدا رحلتي بغياب أنا بوصيك لاتنسى مواقف بينك وبيني تذكر يوم تشكيلي من التفكير والاتعاب تذكر يوم تبكيلي تقول الوقت مشقيني فديت الوقت يومنه جمعنا في طريق أحباب فديتك يوم تزعلني وتجي ترجع تراضيني فديت عيونك النجلا وأضيع ان سلهمت بعتاب وفديت اسمي على لسانك ليا من جيت تدعيني أحبك وان بغيت أسلى عن وصالك وأسد الباب يجيني منك نسناسٍ من الذكرى ويحيني أنا ياكثر ما أحبك ولكن الزمن غلاب ياقربك داخل عيوني ويابعدك عن يديني فمان الجرح والضيقه وعالج قلبك المنصاب تراني ماني براجع ليامن جيت تدعيني

متصدر يا نادي الهلال البطوله لك مجد يا نادي المجد والبطولات ممدوح العضيباوي

متصدر يا نادي الهلال البطوله لك مجد يا نادي المجد والبطولات كل الجماهير اهتفوا و صفقوا له حيث البطل يبقى براس الطويلات هذا الزعيم البطل منهو يطوله شف بالسماء رمزه بعيد المسافات خلفه رجال وله مواقف رجوله رجال تعمل لجله بكل الاوقات لا ما يغيب بكل صوله و جوله دايم مع التتويج يرقا المنصات يشهد له التاريخ كلن يقوله ياما سطر له بالملاعب بطولات خصمه الا من قابله ضاع زوله يفقد فنون اللعب و تجيه حسرات سلمى من النوادي تخيرت زحوله ولعين سلمى نصيغ قاف الهتافات متصدر يا نادي الهلال البطوله لك مجد يا نادي المجد والبطولات كل الجماهير اهتفوا و صفقوا له حيث البطل يبقى براس الطويلات

الاجر في حقر النفوس الحقيره

الاجر في حقر النفوس الحقيره

العمر محدود وقصير

البارحه داولت براس حسابات وفكرت باللي صار او يمكن يصير وفتحت لي صفحات وأغلقت صفحات وعرفت وضعي بعد كثر التفاكير ودونت لي موضوع ينهي مافات ان العمر لو طال محدود وقصير الله خلقنا ياعرب للعبادات ماهو عشان نكون ناسن مشاهير ونطغى مع الدنيا بكيف وملذات وأعمارنا راحت بكثر المشاوير مافيه أحد فكّر يجمع حسنات ماعندنا ياكود جمع الدنانير يومن نعيشه بين همن وضيقات ويومن نزف به الفرح والتباشير العمر فاني والوقت فيه ميلات والموت لاجانا فلا فيه تأخير ما ينفعك ياكود صوم وصلوات ويوم الحشر ما تنفعك المعاذير يالله تثبتنا بيوم الحسابات واجعل دربنا نورن من التياسير

غزل

تاكل من الشيبس ومشروبها الدايت سبحان من زين مفاتن جسدها متفلسفه في قود مورلنق وقود نايت وعند الخجل دايم تسولف بيدها تمشي بغنج والثوب له سكبتن رايت ضيق عليها بالردوف ونهدها ياقرب لون اثيابها عند الأف وايت متميزه بين العذارى وحدها ياعنك ماقد وردوها على الوايت ولا تعرف الخلفه وايضا ولدها

يقسى الوقت وتقسى الظروف وتضيق الأحوال ممدوح العضيباوي

يقسى الوقت وتقسى الظروف وتضيق الأحوال ونفقد الحلم وتموت الأماني مانحققها أشوف الضيق له مده يجدد له معي موال وفقدت أيامي الحلوه وحزني قام يسرقها وألا يالصاحب اللي عن حياتي تطري الترحال تراها ضايقه بي وأنت بالطاري تضيقها حبيبي جيت أدور بك عن شموس الزمان ظلال لقيتك شمس في عمري أبد ما غاب مشرقها تعذرلي تقول ظروفي الصعبه تهد الحال وأصدقها لو اني ماني بمجبور أصدقها أعرف اللي يحدك عن غرامي ياوسيع البال وأعرف أسرار قلبك لو بغيت أكشف حقايقها وأقدرلك ظروفك وأحتري منك ليال وصال وأنا عندي ظروف وضيقتن ماني بطايقها تعال وخلنا ننسى مدام ان الدروب طوال تعال وصفحة الماضي نبي ننسى ونحرقها تعال وكل شي تطلبه ياصل بدون جدال تعال وبختصر عذب الكلام بكلمه أنطقها أحبك ايه أحبك شف غرامك كيف صال وجال ب قلبي لين صرت أهوى طيوفك حيل وأعشقها نسيت الناس والدنيا وجددت ل غلآك آمال معاك أحس في طعم السعاده وأتذوقها أحبك كثر ماني مقتنع بان الوصال محال كثر ما رحت أبا أفارق طيوفك جيت أعانقها

كلن بسط لبليس والشر يده ممدوح العضيباوي

البارحه غزت علي الهواجيس نوبن تكرب القلب ونوبن تهده تسلط عليها ابليس خلف الكواليس مره اتطاوع له ومره تصده لا قلت سمي وارقدي والعني بليس قالت لعنت ابليس عده اوجده نجيت من سبع بحور مالها قيس بحور ولاحدن لحق غزره اوحده بحارته للسيف عادو مفاليس الرابح اللي عاش من عرق كده يفرح اليا شاف الثرا مابعد ديس يسقي طرف عينه امن الدمع خده ما كاده الكايد الكسب النواميس والعلم لاجا العلم كلن يرده الصافي الوافي بعيد المراميس اللي اليا من ضدك الضد ضده اخير من رجلن حياته بهانيس ياكثر ماجاء له وياقل مده له فالمجالس يشتغل له جواسيس هذا إيتلفن له والاخر يسده ناسن تخفى في جديد الملابيس وقلوبها امن الحقد سودن امنده على يد الشيطان علمه اوتدريس كلن بسط لبليس والشر يده

ادعي الله يشل اليمنى البخيله

ادعي الله يشل اليمنى البخيله بمشاركة احمد حماد الثنيان

عادتك كسب الثمين

عادتك كسب الثمين في العميد عبدالله اللحياني

اخاف الوقت يسرقني وانا في زحمة النسيان

قصيدة : اخاف الوقت يسرقني

يا مشاوير الضياع ويا حنيني

ياربيع القلب ولا ياجفافه يامشاوير الضياع وياحنيني ياطريق الحزن يا أول مطافه يا آخر دروب الفرح يا أول ونيني

ربعي سنجاره ان رحت وان جيت مصدر فخر لاحتك عودن بعودي ممدوح العضيباوي

لا بانت نجوم الليل قلت ياليت ليت الزمان اللي ذكرته يعودي اسجٌ ساعة واذكر الحي والميت ولاياوجودي وقتها ياوجودي وجدي على شوف الرجال المناعيت وجد الفقير اللي تمنى يجودي ربعي عزوتي مسندي لاتعزويت الحي واللي راح بين اللحودي ربعي سنجاره ان رحت وان جيت مصدر فخر لاحتك عودٍ بعودي قومٍ على الطالات مثل العفاريت تاخذ وتعطي ماتبوق العهودي من روس شمر شهرت وتساميت نسل الكرام معربين الجدودي قومٍ لهم فالمجد والمرجله صيت العزوه اللي دوم ترقى سنودي اقولها بالعز بيتٍ ورى بيت ولاني سوات ملطمين الخدودي نبراسهم قال المثل عد عديت خالف وتعرف ثم فرٌق تسودي الرجل مايبني وجوده على ياليت الرجل يبني من ذراعه وجودي طرٌى علي الوقت الاول وسجيت وقتٍ مضى ماظنتي يامهدي يعودي يوم اني اسلى وانبسط لاتمشيت في وسط العاجزه شويه واعودي صغير..واذكر ماجرى دون تفويت هاك الزمن ربعي جموعٍ ترودي مجلاسهم واحد على كل توقيت واليا نووا المنهاج راحوا وفودي على صفا نيه بنوا للنقا بيت الوذ به لاذعذعت كل نودي على طبايعهم برعت وتربيت ماهمني لوكان وقتي جحودي واذكر بعد فالضلع الاوسط تعلٌيت وش

ماكسرني سوا حزني بوقت الرحيل ممدوح العضيباوي

في سوالف عيونك للمحبة دليل والمشاعر بحبك ماعليها كلام الغلا له زمن فيني يحط ويشيل والسهر من لياليه صرت اعاف المنام طال دربك وانا دربي ثقيل وطويل بين وقت انتظار وبين شوق وهيام مابقا فيني من الصبر كود القليل المسامع ظوامي والنواظر حيام وماكسرني سوا حزني بوقت الرحيل وماجبرني عليك الا جنون الغرام لو ظمنت اني القا عقب حبك بديل كان خليت ليلك والسهر والخصام لا تخيلت وصفك قلت : صبرن جميل ولاطرت لي عيونك قلت : عمري حطام فارع الطول ، ناعس عين ، خصرك نحيل مايس القد ، سيد البيض ، بدر التمام ما لوصفك شبيه / ومالحسنك مثيل القصايد توقف للجمال احترام وكان قلبك من الفرقا كسير وعليل لاتشح بوصالك ويعداك الملام حط لي عن شموس الوقت عندك مقيل وخلني في حياتك ذو قدر واهتمام اقترب واخذني ياجعل عمرك طويل الليالي بلا وصلك ، عليها السلام من يداويك ياجرح بقلبي يسيل ؟ ومن يسيّلك ياوبل المطر والغمام؟ وكيف ابحييك ياحلم الغرام القتيل؟ ومن يطفيك ياجمر العتب والخصام؟ ليت عقب العطا / رديت ربع الجميل وليت عقب البطا / ماصار حبك كلام

© 2019 - موقع الشعر - بواسطة شركة المبرمجين