قالوا تبيع وقلت لله ما نبيع - سهل بن عناد بن مرزوق السكيك

قالوا تبيع وقلت لله ما نبيع
يالنايفه لو زاد سعر اللي شرا

والله لسوقك لين اوصلك الربيع
ولا طيع فيك الشاوي الي ما درا

انتي غزيزة كل خيالٍ شجيع
لا قام عج الخيل في وجه العرا

لا صاح صياح الضحى فوق الرتيع
ما يردها الا ّ من يردون البرا

من دونها شليويح عيا لايطيع
كم حاف بين امراحها وبين الذرا

هذيّه البل يا متليت القطيع
مير ارجعوا عن ناقتي منكم ورا

© 2024 - موقع الشعر