ياواصلين دهام ودّ المراسيل - سهل بن عناد بن مرزوق السكيك

ياواصلين دهام ودّ المراسيل
بلّغ تحياتي لشخصٍ غلاوي

راعي وفا وخلاص مايعرف الميل
قلبه على ضرب المخاطر جراوي

ذيب العيال مطوّعة راعي العيل
من غير ابن مرزوق عز المخاوي

اليا لقيته فوق صفر المعاميل
قلّه يبلغك السلام الشقاوي

قلّه سلامٍ من سهل وصفه السيل
لاحل في دارٍ وجاله رعاوي

واحلى من الفنجال للزاد والهيل
صبح الربيع وصيد لهل النداوي

وقله يسلم لي على الربع بالحيل
سلام مشتاقٍ من الهم راوي

وعلى ابوساطي مزبن التايه سهيل
الله يجيره من جميع البلاوي

وعلى عزيز النفس من يذبح الحيل
مرعد لصعبات المشاكل مداوي

وعلى ابوماجد مسندٍ للمقاابيل
عز الرفيق وسقم حظ الملاوي

سلامٍ أحلى فالعذوبه من السيل
واصفا من البرّاق لاجا نحاوي

عز الله إني عقبهم ماأرقد الليل
واقنب كما ذيبٍ من الجوع عاوي

وجدي عليهم وجد راعي محاميل
ساقوهن وقفّا يجر النخاوي

او وجد عودٍ طاح ماعاد به حيل
خلوه صدقان الرخا للبلاوي

لاشك ابا اصبر صبر شقران للشيل
وغير الصبر مال المعنّا جداوي

© 2024 - موقع الشعر