ياليله البعد ليتك ما انتي الليله

ياليله البعد ليتك ما انتي الليله
ادموع عيني تراها اليوم هماله

ردي لقلبي يانبض القلب ردي له
وردي لعيني يانور العين مختاله

غيبتك عني ياشوق الروح وشهي له
ماتدري الغيبه اللي منك قتّاله

الله على البعد لوهو ينهمر سيله
والله على الوصل لوهو ضاع مدهاله

القلب بعدك ترى قد صابته عيله
مسكين قلبي تحمل جرحك وشاله

الوصل منك وغيرك عفت توصيله
والبعد منك يهد الكون وجباله

لا والله الا شموخي صار به ميله
لا والله الا الجمل خايف من احماله

يا ويل قلبي على فرقاك يا ويله
في وسط صدري تقول مشغلً آله

من يوم شفتك لطيف العود بالشيله
حرمّت ماكون عنّك ساليً داله

ماعاد للقلب لا قوه ولا حيله
إن حب غيرك من الترفات اردى له

عاني حبيبك لعينك مسرجً خيله
يبغاك من بعد اذنك تنظر فحاله

العين سودا ومنها انذبح غيله
ترمي بسهم الممات وجيت ابرى له

والخد الاحمر ازيد اليوم تقبيله
محمر حمر الخجل لا جيت بقباله

والانف سله سيوف الهند تومي له
ثابت ثبات الجبل في سطوه ابطاله

والا الشفايا بطعم التمر والهيله
مع طعم فودكا يعدل الراس والحاله

العنق عنق الغزال الخشف بهدي له
من جوهر الشعر وصفً حيل يزهى له

عنق النعامه تراه يجوز تمثيله
أي والله انه سواته صدق وامثاله

والصدر وشعاد ابدي فيه وابدي له
واكتب عشانه جميل الحرف وابدى له

صدرً ليا جيت للمكيال باكيله
معاد تعرف بحجم الصدر مكياله

يهتز ويجنن العشاق من جيله
ويعافر الثوب لانه شاف غرباله

واجيه مسرع امامه ابغي اشيله
ويطيح ثوبه بليا قصد من حاله

صدره دعاني تعال وجيت امشي له
تحت الملابس سمعت لصوت مواله

ياليت خلي يذب الثوب ويزيله
واشوف صدره بعد هالثوب قد شاله

والخصر ماتاصل البيض لمواصيله
لا شفت خصر يشابه (عروه بياله)

والردف واضح تراه اليوم تحليله
بكتب على ردفه الاشعار ورساله

ردفً احبه وابي قربه واغني له
ودي اقارن مع الارداف فنجاله

يهز ردفه بغنج وهز منديله
ويصور الردف ياربعي بجواله

ياويل قلبي ليا منه طفح كيله
امشي ورى الردف في غرفه وفي صاله

بالثوب الاحمر يغني لي على ليله
واموت فالرقص لو هو بان اهواله

ي حمود خلي ذبحني رجرجه ذيله
تحت العبايه يجنن عمه وخاله

ياوين احصل صحيبً صدق واشكي له
من ناعم العود يوم يغيّب ظلاله

الشاعر مسعود القحطاني