لا انتي منعتيني ولا انتي عطيتي

وهبت لك قلبي بصك وقريتي
عنوان حبي لك كما كتاب الاحباب

بينت لك حبي صريح ودريتي
اني أحبك لا نهايه بلا حْساب

وانتي كتمتي السر ثم اختفيتي
وزود ٍعلى ذا منك لي صكّة الباب

لا انتي منعتيني ولا انتي عطيتي
ولاانتي شرحتي لي الموانع والاسباب

ولا انتي زعلتي منّي ولا ارتضيتي
ولا انتي تفاهمتي ولا قلتي اعتاب

ولا انتي ضحكتي ولاانتي اللي بكيتي
قولي لي المعنى صريح ٍ بلاكذاب

يا مّا المحبّة بالنقا وبه بنيتي
قصر المشاعر والهنا فيه بواب

ولاّ فراق ٍ والسعه لو بغيتي
والكل منا ّ يوفقه رب الارباب