شحِّي بهواك

لـ عبدالرحمن غانم الدوسري، ، في غير مُحدد، آخر تحديث

شحِّي بهواك - عبدالرحمن غانم الدوسري

شحِّي بهواك وما بهواك بغنيمة
رويتنا ذل انثري تالي الكاس

من أولن كنتي بروحي مقيمة
والحين صرتي شخص عادي من الناس

ماعاد ابي حبّك ونفسي حشيمة
لصار حبك خالين مابه احساس

ولصار ما في الحب قسمة سليمة
بصبر على الفرقا ولا وجعة الراس

وش عاد ابي بالحب من دون قيمة
هيال حبك والبلا في ردى الساس

ساس البنا العمدان قوله حكيمة
وانتي أساسا حبك افلاس بافلاس

والفكرة اللي بامتلاكك عقيمة
صارت خلق مرمي على( اطلاس )ينداس

كنت احسب انك فن تحفة وقيمة
كما الذهب يشرى وينباع بقياس

لكن بان انك عقوبة وخيمة
وش عاد بجني من حثل قاعة الكاس

© 2024 - موقع الشعر