مات الحكيم واندفن بقبوره

لـ ، ، في الحكمه والنصح، آخر تحديث :

يامرحبا ترحيبة ٍ مجهوره
ترحيبة القريب لاغلى اقرابي
ماهي مجامل أوغلا بالصوره
ولا بودّ من يجيك محابي
حتى ولو يقال ذا المغروره
ما اصدقه وأنا ابخص بأحبابي
والحكمه اللي بالفكر مجذوره
هذا نقاي في جراب عتابي
تفكّري ونعتبرها اسطوره
يقال : قيل كان فيه اعرابي
وكان شيخ ٍجالس بمقصوره
وله ولد وكان به مرتابي
وبجعبته وصيته مصروره
وجاه أخوه وقال هذا كتابي
لجت وفاتي وأصبحت مشهوره
فخذ سيوفي واستلمها حرابي
وذا الصبي فطن فعطه الشوره
وسلمه أمانته واركابي
مات الحكيم واندفن بقبوره
وأخوه صار حاكم ٍ إيجابي
عقب سنين جا الصبي بالصوره
وقال : أبي أمانتي واتعابي
قال : أنشدك عن سالفه مضموره
لوجاك خصم و قال : أبي مطلابي
خصمي حقير وذمته محقوره
وأنا كريم وحاكم ٍ مشعابي
قال : أعطي الحقير يرضى غروره
ولاّ الكريم الأجودي يرضى بي
والثانية خصمين فيهم عوره
قال : استتر وياخذون ثيابي
واثنين كل احوالهم مستوره
قال : اجتماعهم وريح اطيابي
وقام عمه واستوى بحضوره
وقال خذ وصيتك واعجابي
هذي سوالف البدو ميسوره
مالي ومال المستتر والغابي
هذي علومي جات لك ممهوره
بخاتم الوفا مهي بحرابي
وأنتِ كريمة بالكرم منصوره
عطيتهم من حقك اللي رابي
مابيك يوم بالندم مقهوره
من الردي والحاقد الكذابي
هذي وداعة باللحن مجروره
غنيتها وانا على مشهابي
عساك دوم بالهنا مسروره
ولا فأنا هذاك هو مرقابي
بذب في العلالي المخبوره
وأجري على اللي عنده أمرحسابي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين