ماني مسلم ولا مرحب ولا قوه
كيفي مزاجي بوصل نفسك اقصاها
الله واكبر نسيت الطيب والخوه
ياقو عينك صداقتنا تناساها
مافيك نخوه ولاشيمه ولا مروه
احلا ليالي العمر هديت مبناها
روح بطريقك وسو اللي تبي سوه
الله فوقك وعند الله تلقاها
كم كان قلبي مولع بالغلا ضوه
اليوم طفْت عيوني نارك بماها
ابتركك والجفا توه بدى توه
ابي تغدى الندامه وتعشاها
راسي ليا من زعل متعكرٍ جوه
سوالفك كلها من راسي امحاها
ولا ترى الطيب فيني والوفا ربوه
عكسك تمامٍ بميزات تحلاها
حنا بشر والبشر من أدم وحوه
لاكن قلوب البشر انواع بوفاها
طوى الغلا منت قده اخلص وطوه
مع السلامه معزتكم كشفناها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين