يايبه - فواز فارس الدواي

يايبه شعري من افضالك يحيري
ماتوفيك القصايد والمعاني

يايبه من نفسي لحبك اغيري
لن حبك داخل القلب احتواني

يايبه حبك تشيد في ضميري
عقب البنيان وكبار المباني

يايبه تذكر تغطيني صغيري
لاغفت عيني وجاني النوم جاني

يايبه تذكر حليبي مع سريري
وقبل لامشي تو بادي بحبياني

يايبه واليوم انا رجل ٍ كبيري
وصار عندي طفل يوم الله عطاني

يايبه حب الظنا قالو خطيري
يسكن الخفاق وضلوع المحاني

يايبه( محمد) اذا يبغى نظيري
ياخذ اعيوني ولوني اعاني

يايبه هالورع خلاني اطيري
بغلاه اللي ذبحني في مكاني

يايبه ودي البسه الحريري
به غلا حبي وعطفي مع حناني

يايبه ودي اخليه الاميري
بين كل الناس لا طاع الزماني

يايبه بحفظه المصحف كثيري
ما أبيه يردد الحون الاغاني

يايبه ابغيه دكتورٍ خبيري
يشفى المرضان بعد الله بماني

يايبه بركبه الخيل وتغيري
مهرةٍ تطغى على لجام العناني

يايبه بشرليله نياق وبعيري
بشتريله شعل والركبي عماني

يايبه بعلمه الرمي العسيري
يرمي الاهداف في لمح الثواني

يايبه بعلمه بموجٍ غزيري
للسباحه في محطيات المواني

يايبه بعطيه ديوانٍ وخيري
يفتحه الكل ضيف وكل عاني

يايبه ابغيه كالسيف الشطيري
نشمي سنافي على الطوله يباني

يايبه ابغيه لونه فقيري
يلتفت ويقول من منكم نخاني

يايبه بنشدك تكفى لا تحيري
جعلي اغلا من حفيدك ياعساني؟

© 2024 - موقع الشعر