الفايـض امـن النفـط 20 مليـار - فواز فارس الدواي

الفايض امن النفط 20 مليار
والشعب مسكين ابتلش كله ديون

اقصاد سياره مع شقه اجار
ومعاش خدامه على طول مركون

والقرض ناشبلك كما نشب ميدار
بالحنجره ناشب محدد ومسنون

فوايد وقصدن يخليك محتار
تصير لا صاحي ولا انته بمجنون

فوايد تحطمك وتصير منهار
قصدك محدد يرفعونه ويقصون

وتنقهن دينار دينار دينار
وان مادفعت تروح للسجن مسجون

صار البلد تجار تجار تجار
بغلا سعر للسوق صارو يبيعون

صار الدبل سعر البضايع والاسعار
والناس مطرين لابد يشرون

قل للحكومه تبعد شوي الانظار
وفي حالة الشعب الموقر يشوفون

يامساعدين الجار لحتاجكم جار
الاقربون اولى وانا اقول تدرون

حنا اهل هالدار واولى بالهدار
وخير الكويت لغيرنا كيف وشلون

هذي ارضنا من يوم صولات الامهار
يوم النشاما بالاصايل يصولون

ياكويت حنا اللي نسلمج الاعمار
لاجاج حاكم طاغين مثل شارون

ياكويت والله دمنا بالغزو فار
يفور كنه جمرتن فوق غليون

ياكويت حنا درع وستار وستار
سدن منيعن لج من اللي يحسدون

حتى على ترابج من الطامع نغار
لجل الكويت الشعب لازم يغيرون

ياكويت حبج ماتحدده الافكار
حبج كبير معدي اللي يضنون

تحيتي للدرا ولسيد الاحرار
القائد اللي يقلب العسر بالهون

تحيتي لمير فارس ومغوار
محنك وعقله بالافكار موزون

شيخ البلد ساس البلد راسها البار
صباح لامن قال مافيه مديون

كل الدعاوي اكبارها صارت صغار
لا وقع المرسوم يصدر بقانون

هذا ابو ناصر كما البحر لاثار
يعجز اللي بالسباحه يغوصون

تشهد له العالم من اصغار وكبار
بالشرق الاوسط له سياسات وفنون

ياجعل عمره من طويلين الاعمار
في طاعة الله يجعله والي الكون

ويارب جابر مع نبيك والاخيار
جعله بجنه خلد وانهار وعيون

ياجعل قبره يوسع امتار وامتار
الله يوسع منزله وهو مدفون

وسعد عسى يشفيه علام الاسرار
الخالق اللي يامر الامر ويكون

ولي العهد نواف من روس الاخيار
قدره كم الجوهر من الشعب مكنون

الله يحفظ شيوخنا سر وجهار
ويصلح بطانتهم وهم يتنقون

برجال تبدي الشور لجن الاشوار
ايامنهم بالله من قبل يحكوون

يخشون رب الخلق والقبر والنار
في رايهم من قبل للراي يبدون

لن الدول تحصد وتجني للاثمار
وتتعب على الزراع لاجم يحصدون

ترى الدول تنظر بمجهر ومنظار
بدقه وخطه خفيه يعملون

صناعه ان ماكان للنفط ابار
تقدم وبالتقنيه يستعينون

بعض الدول صارت جميله بالاشجار
يستثمرون ويشترون ويبيعون

وحنا نبي الدينار يربط بدولار
والنفط نكشت فيه لاصار مخزون

الله يعاونا على كل ماصار
وللحمد للرحمن وبليس ملعون

© 2024 - موقع الشعر