مثل ما انتي تذكرينه - عقاب الربع

لياتكايف كل حزنٍ فيه يدري مايعينه
كل حي وحي كلمه كل مااحياها احتفا..له:

ألف غصن لنفس عزتها متمايل ياسمينه
الصبر بذرة خفوقٍ والفرج حصد ف مهاله

هذا (هو.. حول.. السنه ..ماحس..بايامٍ)أمينه
(لهو..طول..الألسنه..ماعس..آلامٍ) ب حاله

(مرتمي..في عزلةٍ..سكينها..)جو السكينه
(مرتوي..من زلةٍ..مسكينها..)طهر انفعاله

مل (خلوات القرايا)و(ازدحامات المدينه)
ما لقى من هو يظمه عن(هجيره) في(ظلاله)

ماقوى صبره سفر دمعٍ حضنه الرمش مينه
ليا نوى يبحر بلا توديع يبحر وش (خماله)

ليه؟ يا أطهر فتاةٍ ماتوقعها تدينه
ليه؟ قلبك في عقاب أخطى ب ظنه واحتماله

(عقاب الاول) ماتغيّر مثل ماانتي تذكرينه
وافيٍ حتى مع جروحه ليا غابت عناله

ما امتطى له نيّةٍ وعنانها ماهو ب يمينه
لكن انه يا(بعد حيّه )رضى ب عزة هباله

شاف (ب فراق الوصال) فراق أحلامٍ تهينه
شاف(ب وصال الفراق)وصال عرفان وجماله:

ماهي انتي يابعدها من تكمل (نصف دينه)
مابغى يضحك عليك وغصب أيقن فانخذاله

إنتي وياه (خطين متوازينٍ حزينه)
(ماتلاقى إستقامتهم) وكلٍ في مجاله

شح بك كف الزمان وكنتي إن حكّم يقينه
وحدةٍ مامثلها وحده تمناها ل فاله

هذي طيوفك ركايب نوخّت قدام عينه
(مالحٍ)ترحيب(دمعه)وش سوىطيوفك بقاله

ياحياته ... ياأمانيّه ... ياعمره... يااكسجينه
إرفعيه عن الردى..وعن الزلل .. وعن النذاله

واذكريه بكل خير وكل ما(ينبض حنينه)
يذكرك حلمٍ زرعه ولا حصده الا خياله

وعاذرك لو ما سألتي مره عن آخر سنينه
عن مئاسي(عقده الثالث)قبل نصف اكتماله

عن جروحه.عن همومه.عن هجوسه.عن ونينه
عن طفشه.وعن زهقه.وعن ملله.وعن حواله

عن وجيهٍ ترتجيه ولا لقت غير الغبينه
يائسٍ قدامهم (حرٍ) مدى شوفه (حباله)

يدري انه لاتكايف فيه حزنه مايعينه
غير منهو باسطٍ (سبع) ورفع (سبعٍ) لحاله!!

© 2024 - موقع الشعر