من ريت حرفٍ نهجه استبسال
ما كنّه إلاّ فارسٍ من .. قصيدك
يا الضيغميّ الأيهم الريبال
مدري قليد العزم ؟ مدري قليدك؟!
هيبتك كم تلّت جلال جبال
يا الشيخ لي شمّ المعاني تريدك
دامه سموّك للفعال رجال
خذنا عساكر للدما في وريدك
و في غيل جيلٍ سايغٍ سلسال
ننساب إعجاب لتناغم نشيدك
من تلتلة منطوقك التلاّل
تطلق قذايف نبلك وطوربيدك
لو قولك الحباّل حل البال
يترقّب الحال اصطياده بجديدك
هزاع يابن الهيبه والاجلال
صوّب يابن سلطان والصيد صيدك
غزلان تقنصهن بيوت جزال
ويبيدهن شعر الوجد عند بيدك
وهذا الغزال اللي هوى الاغلال
له قلب ما يفلت من إحكام قيدك
حتى الشمال ايريدكْم فْ الحال
يرجو الهوا كلْ يوم صوبه يعيدك
نايف على روس الشرايف عال
ربيّ من اعلو المعزّه يزيدك
يا مرحبا و أهلاً بها الإقبال
حيّك فلاحي عَ الصخاوه نحيدك !!
ييت وعلى مرّ العمر آمال
الابيات تتريا بذخ حطّة ايدك
أكرم بردّك يا زلال الجال
واغدق علينا من رصانة قصيدك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.