ياليت لي جيران مثل النحاوي
ولا النحاوي عندنا بالبلد جار
نجره ينادي شاربين القهاوي
راعي دلالن فيهن البن وبهار
قرمن على النوماس شفقن شفاوي
يوم الظروف اللي ثقيلات وكبار
يجزم على قطع الخرايم رهاوي
يوم الردي قصير الباع محتار
خوي بندر بازمان القساوي
عساه للجنه وينجا من النار
مع قطعة الفرجه يجر الحداوي
على الفرود مقربت دار من دار
على الونيت مبعدين الهقاوي
ومع الضمى جرالهم جوع وخطار
جلده مع الدو المخيف الخلاوي
جلد البرد في ليل عاصوف ومطار
من الجور شكمانه غداله تعاوي
عواء ضلوع الذيب من قو مصار
دريوله معاد للفرد ياوي
وغيره من ثالثه عقب مشوار
بعيد ماهو من قريب الحراوي
تقطعت من دونه علوم وخبار
يفداك يا الطيب شبيه الضراوي
اللوقي اللي للمقفين عقار
الواطي اللي بالوطا دوم ثاوي
شبيه اللي لاشافله حوم مطار
ساس الرخوم مخيبين الرجاوي
لايكرم الضيفان ولاياخذ الثار
مخلف حسين الديحاني
————————————
رد الشاعر سلطان النحاوي
بديت بسم اللي رفيع سماوي
جل جلال اللي له الريح تندار
اللي له العبد الموحد رجاوي
منجي هل الجنه ومهلك هل النار
علام الغيب ماله مساوي
يسمع دبيب المي بالعود اليا سار
من بعد ذكره هاض جاش النحاوي
من فيض هيض هاض من بحر الاشعار
مبهم وغلق وكرسعيٍ ملاوي
يقطف زهر نوار من روس الاشجار
واهديتهن للقرم عد رهاوي
مخلف اليا عدم هل الطيب والكار
مكاسر العمبر معه ريح جاوي
الطيب لهل الطيب مارد ومصدار
جاتنا الرساله يابعيد الهقاوي
مشكور يالممدوح يانسل الاخيار
وصلو على اللي جاب خير الهداوي
على محمد عد مسايرٍ سار
سلطان النحاوي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.