ياللي طموحك والتفاكير تدفعك
ماني صحيبك والعنا صاحبٍ لك
لمت بك هجوسك وكثرت روابعك
وانحا بك الهاجوس واقفى يتلّك
وانته تبا رايٍ يجمل ويقنعك
راي الدلايل والمجرب يدلك
خل الظنون الضايعة لا تضيعك
خلك حذر في كل الاوقات خلّك
كانك فطين وعارفٍ ويش ينفعك
لا تلبس الا مشلحًا جايزاً لك
ابد الطوال من المراقيب ترفعك
حتى الشرف والطيب يدخل محلك
لا تخاوي اللي ما رضى في طبايعك
ترا المعاكس مهو بصافيلك
خلك خوي اللي من الضيق يطلعك
وعن حرار الشمس خله بضلك
أن كان بالمعروف مرويك واشبعك
لا تجحد المعروف ويشين دلك
رفيقك اللي بالفعايل يشجعك
لا تجيه منك المايلة ثم يملك
تندم ندم وتعض بابهام اصابعك
تفرح عليك اعداك من اللي حصل لك
من عادة الانذال تحاول تخادعك
خلك فطين وحذَر لا تستغلك
واللي دبل كبدك وغثك وموجعك
تكفى الرخامة لا تجي عادةٍ لك
اليا اعتدا عليك ناوٍ يصارعك
عطه العطب تبرد غبونك وغلك
من حدد النيبان وده يقطعك
ذل العدو المعتدي لا يذلك
ان كان رايك يالفتى ما يسنعك
تبا تعداك الرجال وتزلك
عدّل مسيرك لا تلوي شوارعك
وتعافك الاجواد وتبور كلّك
في داخل الاسواق ترخص بضايعك
يا مقابل الخسران ومقابل لك
لو تخفي العنوان معروف موقعك
يا الاجودي كم واحدٍ فاطنن لك
لا تروح لك مع باب ماهو بموسعك
تنشب ولا ينفعك ربطك وحلّك
مخلف بن صعيب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.