ياتوأم الروح - خالد المخيدش

ياتوأم الروح ! وش سويت في روحي؟
خليت فيني جسد خاوي بلا روحه

الوقت مرسلك يمي تنبش جروحي ؟!
ولا تداوي بقايا روح مجروحه ؟

أخلفت فيني شعور الجدّ ومزوحي
صارت حياتي برهن إيديك مرجوحه

خذيتني من عروش الملك وصروحي
وأضحيت ملكك ورهن العين وشبوحه

إن كنت ناوي تشيل القلب مسموحي
لكنّي أودّعك نبضه قبل بوحه

لاتشلعه في يدينك قبل ماتوحي
دقاته شلون مكتومه ومذبوحه

إما تداوي نزيف عروقه ونوحي !
وألا أتركه لاتزيده جرح لجروحه

مالك ورى مذبحي يالترف مصلوحي
والذنب ذنب العقل مايقدر لروحه

أنا أذكر إني لقيتك شايلٍ روحي!!
وأمسيت بيدك جسد خاوي بلا روحه

© 2024 - موقع الشعر