بس أنا وإنتي - خالد المخيدش

هجرنا أول مكانٍ للّقى وإستاحشت ضحكات
تركناها ورانا بالمكان اللي تلاقينا

تركنا به خجل يومين .. وشفاةٍ ملاه إسكات
يبللها الأمل ويذوّب اللي ماتهقوينا

يذوب !، وذاب وأزهر بي ربيعٍ ماأشوفه فات
ولو ذبْل الورق ! يحيا على غيمة حكاوينا

سقى الله ليلةٍ جيتك وأنا مستعجل الخطوات
أبي لو شيء ! يجمعنا ، يودّدنا ، ويدنينا

مْجمّع لك كلامٍ ممتلي بإعجاب لكن مات
على طرف الشفاة وكلمتي ماسبقت يدينا

لقيت يديك بيديني وصدرك ممتلي عبرات
شربته وأرتويته من فمك لين إبتهج فينا

وخذانا الموج وأبحر للبعيد نودّع الآهات
خذانا بس أنا وأنتي .. بلا ساحل ولا مينا !

أبقضي معكْ ماباقي لي مْن العمر لو لحظات
وإذا متّ ! إسمحي لي بس تحيا بك أمانينا

© 2024 - موقع الشعر