حبيبتـي ؛ وإنتي نِـفـس - أسعد السحيمي

حبيبتي ؛ وإنتي نِفس
للي يدوّر عن ~ حياااه
من ما يحبك ، مايحس
انتي دوى الصدر وهواه
حبك ملكني ؛ وإنحبس
في خافقي ، لين احتواه
والحب ؛ في إذنك همَس
والشوق في عينك ، أراه
ياورد ؛ ياللي ، بك ونَس
ياعطري الفايح ، شِذاه
أخذتي أوصاف الفرَس
والريم ؛ واوصاف المهاه
والرمش ؛ مصفوفة حرَس
والخد ؛ برقٍ في سماه
والموت ؛ لا جاك النعَس
في ذبلت عيونك ، مِتاااه
سوالفك ؛ ليل ~ وهوَس
والعنق ~ يامطول مداه
لا رحت عن غصني ، يبس
وان جيتي أرويتي ضماه
ولا غبت ؛ قلبي ماجلَس
كريم ~ ضيفه مالفاه
طوّل غيابه ؛ م ألتمس
عذرٍ ، إلى الصبح أحتراه
جيتك ؛ وانا عرق إنغرس
جيتك عطش جيتك لهاه
عطشان ؛ بالدنيا درس
سر البقى ، توفير ماه
مشتاق لاكنه ، دهَس
جمر الحنين الي كوااه
تايه ؛ وفي بحرك غطس
يبغى يدوّر ~ عن دوااه
عاشق ؛ من حروفك لبس
ثوب الغرام ؛ الي كساه
لو طال بعدك ؛ مايأس
إلين ؛ يهنى في لقاااه
ياليل ؛ لو حظي عكس
مابي أبد ، يحصل جفاه
كل ألي محتاجه ؛ وبس
أبقى العمر كلّه ؛ معاااه
أسعد السحيمي
© 2024 - موقع الشعر