( غصب نزعـل )

لـ أسعد السحيمي، ، في الصداقة والاخوه، آخر تحديث

( غصب نزعـل ) - أسعد السحيمي

يوم كل الناس تبغى وش بها لوني بغيت
كل مادقيت ابي حاجه } ذبحني ردها !

مذكر إني مع مرور الوقت بالعالم رِديت
بس حظي ل ألتوى دايم يوقف ضدها

كل ماواحد نصاني قلت أبشر يوم جيت
وإن وقفت بكل وقفه ؛ والله إن } آسدها

ماخذيت بدنيتي أكثر من الي قد عطيت
والنخل واجد ؛ ولا وحده قدرت آجدها

المثل دايم يقول الكلمه إذ منها إستحيت
لابديت الهرج والكلمه بصدرك } بدها

مايزعّل ؛ غير لاقال الذي يوعد نسيت !
ليه توعدني بحاجه } وانت منت بقدها

قول مقدر قول مبغى ، قول؛ ليتك ماكميت
الوضوح ؛ بكل حاجه يقتصر من مدها

كيف م أزعل وانت تنسى يارفيقي ماكليت
والبلا } لا قلت نفسك يارفيقي هدها !!

غصب نزعل ياعريب الجد يوم إنك سليت
والمشاعر غصب من فعلك ؛ تبيّح سدها

لكن الدنيا قصيره ؛ قول ليّه وش جنيت
غير سيرة ماتسر إليا نويت } تعدها !!

اترك الدرب الذي يتعبك } لامنك مشيت
والمواقف ؛ مايتخالط مزحها مع جدها

صح انا في دنيتي ؛ ياكثر مامره خطيت
والخطا واكبر خطا ~ ناس ٍ وثقت بمدها

ودي احرص بإختيار الناس من يوم اكتويت
مثل حرص التاجر بجمع الفلوس ؛ وعدها

بس باقي كلمة ٍ ؛ والعذر لو فيها قسيت
كلمة ٍ فعلك هو الي ، يارفيقي } حدها

حاجتي لو معك ماأبغاها وصدقني مشيت
يلعن الحاجه ويلعن ، جد ابوها ؛ وجدها

© 2024 - موقع الشعر