( أعاتبنـي )

لـ أسعد السحيمي، ، في غير مصنف، آخر تحديث

( أعاتبنـي ) - أسعد السحيمي

انا ماني حزين إلا ؛ لأني كنت
أبدّي ضحكتي ،، وأفهق معاناتي

وأطيح ولا وقفت آقول لي ؛ لاهنت
ولا أتعلّم ؛ وانا ياكثر } طيحاتي

واعاتبني واقول ان الغلط منك انت
لاني كنت أناظرني ~ بمرآتي !

ولكن يوم أناظرني ؛ انا إطمّنت
بعد ماشفت جلدي دايم لذاتي !

كثر ما آصادق العالم ؛ انا أيقنت
بأن ألي صفى شعري ووقفاتي !

لاني ؛ لو ضحك واحد له إستامنت
ولاني كنت اعاملهم } بنياتي !!

ولاني كنت ؛ لا مدري ! ولكن { كنت
ابعثرني } واقول ؛ اجمّع شتاتي !

ولاني يوم مع كل البشر } قارنت
تهون اكبر ؛ مطمه من مطماتي !

وإذا من ضيقتي ياصاحبي حزّنت
تأكد من كثر ما أعيش ؛ خيباتي !

اشوف النفس مرتاحه ؛ إذا قنّنت
من وجيه ٍ : تموّتني } بحسراتي

واذا أقفيت ؛ عن دربي ولا بيّنت
سريت ، ولا يجي منّي } تلفاتي !

كثر ما أرتاح بالعزله ،، انا آمنت
بأن العزّ ،، بالعزله } كذا يآتي !

واذا في يوم عن دربي ؛ أنا هونت
ألا يالله ؛ سدد كل ،، خطواتي !!

وانا عبد ٍ ضعيف بذكرك إتحصنت
عليم ٍ تعرف ألي شب ْ } جواتي !

لو إني في بعض خطواتي إستهونت
فلا يمكن ؛ أغيّر من ،، قناعاتي !

وانا من لحظتي هذي ؛ ترى أعلنت
أعيش بوحدتي ، وأقطع علاقاتي

وأبلّغ للقا ،، إني أنا أستأذنت
وأبلّغ للوصل خالص } تحياتي !!

أسعد السحيمي
© 2024 - موقع الشعر