ياعديل الروح

لـ أمسيه، ، في غير مُحدد

ياعديل الروح - أمسيه

ياحبيبي وش ورى هذا الغيااب
يا مغيب الشمس وش ذنب الشروق

فيني من الخوف عبره وارتياب
وفيني من الجرح ألوان الحروق

صار قلبي من سبب حبك مصاب
ولاّ انا مالي قبل حبك خفوق

يازلال العمر لا تصبح سراب
خلك لعيني ولو مره صدوق

ضايعه بين الأماني والعذاب
اطرد الظلما ورى نوض البروق

للمشاعر ليه ما تحسب حساب
المحبه ما تجازى بالعقوق

أبني بيوت القصايد من خراب
صرت اغني بك على كل الطروق

تايهه واعيش دنياي اغتراب
رهبة المجهول تجرى بالعروق

مانفعني يابعد عمري عتاب
صار عشقي سمع وأحساسي مخنوق

ياعديل الروح يا غيث السحاب
لا تصير لفرحة أيامي سروق

جيتك عندي لها مليون باب
الوكاد فجيتك بالي يروق

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر