مجنون عرفك

مجنون عرفك حيل مجنون عرفك
ياللي ملكت القلب وينك والإحساس

لك اشتكي وللهدب وحسن طرفك
ولك اشتكي ياغناتي من شح الأنفاس

روّغت مركب بمزنتك وحدر جرفك
واخلفت سيره يالهواء بهب نسناس

ليت الظروف اتحن ويحن ظرفك
كان اشرقت شمسي في عز الادماس

بس الغريب اليوم مرسول زرفك
يومك تقول اخشى من شوفة الناس

تدري ان القلب نص لي والنص غرفك
وتدري بعد اذكرك في وسط قرطاس

وتدري الشعر شعري والحرف حرفك
وتدري بدونك سعود اليوم محتاس

اعرف ترى بالبعد ماصرفت صرفك
ولانويت فراق ياعز الأجناس