تجري بنا الأقدار صوب الليالي
تجري بسرعة ريح ولا به وقوفي

تفرض ولا نختار مر وحالي
ولا تراعي وقت وحتى ظروفي

نمشي لها بالطوع وطوعه عنا لي
نمشي برجوى الفال يمكن تروفي

نحكي ونتحايل وهي طبعه ميالي
ونهدي لها أبيات وحلو الحروفي

وهي ولا حسّت بروحي وحالي
ولا بيمكن يوم تريّح كلوفي

دزيت بوقتٍ فات خطٍ يمالي
وأرسلت له مكتوب وسط الزروفي

جاني يقول الرد مابه مجالي
مابه أمل هناك وقتك عيوفي

وكرّيت له مرسول نصه يقالي
تكفى معالي أقدار حاول تشوفي

حاول تعيد الشوف ليتك تبالي
وليتك بضي الدرب وتضوي كفوفي

رد بسرع القول هذا محالي
هذي دواير وقت لوقتك تحوفي

مرّه تصيب الغير وتالي شقا لي
ومرّه بفرش الشوك ومرّه تلوفي

لمحت جور الدهر بوجه الرجالي
وذقت فيك الدور وغصّك بجوفي

تكفى ياقلب أرجوك بقو الحمالي
أصبر على عجّات وقت العصوفي

يالله ياللي مسخّر السحب وخيالي
إنك تسخّر وقت لقلبي وكفوفي

ويالله ياللي وحدك أنت الكمالي
إنك تقدم خير عطوفٍ يطوفي


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر